Хөшөө дурсгалуудтай танилцах нь сэдвийн доор аялал зохион байгууллаа.

“Хөшөө дурсгалуудтай танилцах нь” сэдвийн доор Хүмүүн цогцолбор 1-р сургуулийн 5в ангийн сурагчдад Цэцэрлэг хотын үүсэл хөгжил, хөшөө дурсгалуудтай танилцах аялалыг зохион байгууллаа.
Аялалыг 1. Булган уулын бурхдын зураг /зосон/ , 
2. В.С.Кияковский хөшөө, 
3. Хөдөлмөрийн баатар Р.Минжүүр хөшөө, 
4. Бөх билэгтийн хөшөө,  5. Буур Жамъян аваргын хөшөө дурсгалуудтай танилцан олж авсан мэдлэгийг баталгаажуулж асуулт хариултын тэмцээн зохион байгуулж дурсгалын зүйлээр шагнаж урамшуулав. - Мөн Музейн үзмэр гэж юу вэ?, үзмэртэй хэрхэн харьцах талаар боловсролын ажил зохион явуулав.

Соёлын өвийн зөвөлгөөнд оролцлоо.

Даяаршлын түрлэг дэх Монгол соёлын өвийн дархлаа сэдэв дор зохион байгуулагдсан зөвлөгөөнд Аймгийн Засаг даргын тамгын газрын нийгмийн бодлогын хэлтсийн дарга , Боловсрол соёл урлагийн газрын дарга , соёл урлаг хариуцсан мэргэжилтэн, музейн захирал нар оролцлоо.

Музейн үзүүллэгийн , сан хөмрөгийн танхим, оффиссын 2 өрөөнд ариутгал, халдваргүйжүүлэлт хийлээ.

Үзүүллэгийн 7 танхим, сан хөмрөгийн 3 танхим, оффиссын 2 өрөөнд ариутгалын мэргэжлийн байгууллага болох Мэргэн насан ХХК-тай гэрээ байгуулан жилд 2 удаа халдваргүйтэл, шавьжгүйтгэл, мэрэгчгүйтгэл зэрэг 3 төрлийн ариутгалыг хийлгэхээр болсны дагуу гэрээнд заагдсаны дагуу хийж гүйцэтгэлээ.

Байгууллагын ажилчдын ая тухтай ажиллах нөхцлийг бүрдүүлэх зорилгоор оффиссын өрөөнүүдэд засвар хийлээ.

өвөлжилтийн бэлтгэл ажлыг хангах үүднээс ажилчдын ажиллах ая тухтай орчин нөхцлийг бүрдүүлэх байгууллагын дотоод нөөц бололцоог ашиглан оффиссын 2 өрөөнд дулаалга, их засварын ажлыг хийж гүйцэтгэлээ.

Боловсрол, соёл, шинжлэх ухаан, спортын сайд, Эрүүл мэндийн сайд, Үндэсний статистикийн хорооны дарга нарын хамтран баталсан удирдамжийн дагуу манай байгууллага дээр хамтарсан хяналт -шинжилгээ, үнэлгээг хийлээ.

Монгол Улсын  Статистикийн тухай  Зөрчлийн тухай  хуулиудын хэрэгжилтийг хангуулах, гарч болзошгүй эрсдэл, зөрчлөөс урьдчилан сэргийлэх, дотоод хяналтыг сайжруулах, үр нөлөөг дээшлүүлэх зорилгоор Боловсрол, соёл, шинжлэх ухаан, спортын сайд, Эрүүл мэндийн сайд, Үндэсний статистикийн хорооны дарга нарын хамтран баталсан удирдамжийн дагуу манай байгууллага дээр хамтарсан хяналт -шинжилгээ, үнэлгээг 2018 оны 09 сарын 23-ны  хийж  арга зүйн зөвлөгөө өгч ажиллаа.

Архангай аймаг дах МУБИС -ийн харъяа Багшийн сургуультай хамтран ажиллаа.

Архангай аймаг дах МУБИС -ийн харъяа Багшийн сургуультай хамтран тус сургуульд шинээр элсэн суралцаж буй 70 оюутнуудад аймаг, орон нутгийн үүсэл хөгжил, зан заншил, түүх соёлыг сурталчлан таниулах ажлыг зохион байгууллаа.

Архангай аймгийн Авто тээврийн 6-р баазын 70-н жилийн ойд зориулсан үзэсгэлэнг авто тээврийн ахмадын зөвлөлтэй хамтран гаргалаа.

Архангай аймгийн Авто тээврийн 6-р баазын 70-н жилийн ойд зориулсан үзэсгэлэнг авто тээврийн ахмадын зөвлөлтэй хамтран гаргалаа. Манай музейд хадгалагдаж байгаа 6-р баазын гавьяат тээвэрчид болон баазтай холбогдох гэрэл зургуудаар үзэсгэлэн гаргалаа. Үзэсгэлэн 2018 оны 7-р сарын 28,29-ний өдрүүдэд дэлгэгдлээ.

Оюунлаг Архангайнхан эрдэм-шашин, соёл урлагийн нэгдсэн арга хэмжээний нэг болох Цэцэрлэг хот уран зураг, Арын сайхан хангай фото зургийн үзэсгэлэн

“Оюунлаг Архангайнхан” эрдэм-шашин, соёл урлагийн нэгдсэн арга хэмжээний нэг болох “Цэцэрлэг хот” уран зураг, “Арын сайхан хангай” фото зургийн үзэсгэлэн аймгийн БТСГ-ын зааланд нээгдлээ. Мөн “Арын хангайн хүүхдүүд” хүүхдийн уран зургийн үзэсгэлэн хүүхдийн номын ордонд нээгдэв. 

2011 онд Монакo улсын дэмжлэгээр Музейн барилга болох Зүүн сэмчинг сэргээн засварласан ажлын хэсэг байгууллагын үйл ажиллагаатай танилцлаа.

2011 онд Монакo улсын дэмжлэгээр Музейн барилга болох Зүүн сэмчинг сэргээн засварласан.  Монaкo улсын ЗГ-ын гадаад харилцаа, хамтын ажиллагааны дэд сайд хадагтай Изабел, ГХХАжиллагааны мэргэжилтэн Софи, Монакогийн эртний түүх, угсаатан судлалын археологич, захирал Жиром нар 2017.07.08-ны өдөр манай байгууллага дээр ирж үйл ажиллагаатай танилцлаа.