Error. Page cannot be displayed. Please contact your service provider for more details. (19)

Архангай аймаг

Нэгдсэн эмнэлгийн хашаан доторх зам, зогсоолын асуудлыг ирэх онд шийднэ


Нийтэлсэн: 2019-12-19 13:02:33

Нэгдсэн эмнэлгийн хашаан доторх зам, зогсоолын асуудлыг ирэх онд шийднэ

Аймгийн Засаг дарга Ц.Мөнхнасан Нэгдсэн эмнэлгийн эмч нартай өнөөдөр өглөө уулзлаа. Энэ үеэр эрүүл мэндийн салбарын тоног төхөөрөмж, парк шинэчлэлт, мэргэжил дээшлүүлэх зэрэг чиглэлд хийгдсэн хөрөнгө оруулалтуудын талаар тоймлон мэдээлэл өглөө. Хамгийн сүүлд хүнд өвчтөн зөөх зориулалттай бүрэн тоноглогдсон тусгай зориулалтын авто машиныг тоног төхөөрөмжийн хамт, хөгжлийн бэрхшээлтэй эмэгтэйчүүдийн төрөх, үзлэгийн ор зэргийг шийдвэрлэж өгсөн.
Ирэх 2020 онд 300 ортой шинэ эмнэлгийн барилга улсын төсвийн хөрөнгөөр баригдаж эхлэх, Нэгдсэн эмнэлгийн хашаан доторх зам, зогсоолын асуудлыг шийдэж, авто замын сангаас 100.0 сая төгрөгийг хуваарилсан, улсын төсвийн хөрөнгө оруулалтаар томографийн төхөөрөмжийг шийдвэрлэж байгаа учраас байрлуулах газраа яаж шийдэх, үүн дээр хамтран дэмжиж ажиллана гэдгийг мэдээлэл болгож хэллээ. Эмч нараас тулгамдаж байгаа асуудлуудыг нь сонссон. Эхний ээлжинд буюу 2020 оны нэгдүгээр улиралд зүрхний хэм алдалтыг тодорхойлох 24 цагийн зүрхний бичлэг хийх холтер аппаратыг, нүдний даралт ихтэй өвчний үед хэрэглэдэг нүдний өнцөг дурандах аппаратын хамт шийдвэрлэж өгөхөөр болсон юм. Мөн эмнэлгийн рентгэн аппаратны засвар, сэлбэгэнд 5.0 сая төгрөгийг шийдвэрлэж өгөхөөр боллоо.
Өнөөдөр өглөөний уулзалт дээр өвчтөний зүрх зогссон үед цахилгаанаар цэнэглэдэг багаж буюу дефибрилляторыг, лабораторийн тасгийн шинжилгээний өрөөнд нийгмийн эрүүл мэнд, сургалт сурталчилгаанд зориулж 32 инчийн зурагтыг өглөө.

ХОЛБОО БАРИХ

Нутгийн захиргааны ордон Архангай аймаг Эрдэнэбулган сум

Утас: 7033-3231
Факс: 7033-3208
Цахим шуудан: arkhangai.gov@gmail.com