php shell indir Bağlantı Yok Архангай аймаг

Нэгдсэн эмнэлгийн 20 орчим эмч нар Өндөр-Улаан суманд ажиллаж байна


Нийтэлсэн: 2019-11-05 18:26:49

Нэгдсэн эмнэлгийн 20 орчим эмч нар Өндөр-Улаан суманд ажиллаж байна

"Халдварт болон халдварт бус өвчний илрүүлэг үзлэг, оношилгоог суманд цогцоор нь хийх загвар үйл ажиллагаа"-г өнөөдөр /11.01/ Өндөр-Улаан суманд зохион байгууллаа. Энэхүү үйл ажиллагааг сумдын удирдлагууд, эрүүл мэндийн төвийнхөнд сурталчилж, дэлгэрүүлэх зорилгоор ЭМЯ, аймгийн ЗДТГ, ЭМГ, Нэгдсэн эмнэлэг, Өндөр-Улаан сумын ЗДТГ, ЭМТ зэрэг байгууллагууд хамтран зохион байгуулсан юм.
Энэхүү үзлэг, оношилгоог 11-р сарын 1, 2-нд сумын төвд зохион байгуулах бөгөөд үүнд лабораторийн шинжилгээ, рентген болон эхо оношилгоо, дотор, мэс засал, эрэгтэйчүүдийн үзлэг, хүүхэд, гэмтэл, эмэгтэйчүүд, халдварт, шүдний эмч зэрэг 20-иод эмч нар үзлэг хийж, зөвлөгөө өгч ажиллаж байна. Мөн эмийн сангийн үйлчилгээг үзүүлж байна.
Өнөөдөр үдээс хойш 14.00 цагт сумдын удирдлагууд болоод ЭМТ-үүдийн эрхлэгч эмч нар, нийгмийн эрүүл мэндийн ажилтнуудын дунд "Халдварт болон халдварт бус өвчний цогц илрүүлэг үзлэг, оношилгоог суманд зохион бйагуулахад аймгийн ЗДТГ, ЭМГ, Нэгдсэн эмнэлэг, сумын удирдлага, байгууллага, эрүүл мэндийн төв, иргэдийн оролцоо" сэдвээр хэлэлцүүлэг өрнүүлсэн юм.

ХОЛБОО БАРИХ

Нутгийн захиргааны ордон Архангай аймаг Эрдэнэбулган сум

Утас: 7033-3231
Факс: 7033-3208
Цахим шуудан: arkhangai.gov@gmail.com